La creasion… in Łéngua vèneta!  La creazione… in veneto!

In principio Dio crea el musso e el ghe dise:
“Te sarè musso! Te laorarè sensa mai lamentarte, da quando nasse el sol fin quando el cala, portando pesi sul gropon. Te magnarè erba, no te gavarè l’inteligensa e te scamparè fin a 50ani.
Te sarè musso!”
El musso ghe risponde:
“Sarò musso, però rivar fino 50 anni l’è massa! Damene 20!.
El Signore ghe dise: “Va ben!”

Alora Dio el crea el can el ghe dise:
“Te sarè can! Te difendarè la casa de l’omo, te sarè el so mejo amigo, te magnarè chel che i te darà e te scamparè 25ani! Te sarè can!”
El can ghe risponde:
“25 ani i è massa par mi: dame 10 ani che i me basta!”
El Signore lo contenta.

Alora Dio crea la simia e el ghe dise:
“Te sarè simia! te saltarè de rama in rama fasendo la paiassa. Te divertirè tuti e te scamparè 20 ani! te sarè simia!”
E la simia ghe risponde:
“Signor! vivare 20 ani a l’è gran dura. Damene solo 10!”
“Va ben!” ghe dise el Signore.

Finalmente Dio el crea l’omo el ghe dise:
“Te sarè omo. L’unico essare bon de rasonar su la facia de la tera! Te dopararè l’inteligensa par comandarghe a le bestie e te dominarè el mondo intiero. Ti te scamparè 20ani! te sarè omo!”
L’omo ghe risponde: “Signore! sarò omo, ma vivare solo 20 ani a me par poketo!. Dame i 30 ani che el musso el ga rifiutà, i 15 chel can non ga vussù e i 10 ke la simia no ga acetà”
Così el Signore ga fato e da alora l’omo el vive 20ani da omo, el se sposa el passa 30 ani da musso laorando e portando sul gropon tuto el peso dea fameia su le spale. Dopo quando i fioi i va par conto suo, el vive 15ani da can tenendo la casa e magnando chelo che ghe vien dà, par dopo rivar a essar vecio, nare in pension e vivare 10 ani da simia saltando da casa in casa, de fiolo in fiolo e fazendo el paiasso par far divertire tuti i nevodi!

Molto veritiera come creazione!!!!